Horizonti Gjelbër
Një kompleks agro-turistik ku natyra, prodhimi dhe përvoja jetojnë së bashku.
Nje kompleks agro-turistik ku natyra, prodhimi dhe pervoja jetojne se bashku.
Horizonti Gjelber eshte projekt i menduar si nje ekosistem i plote ku ferma moderne, prodhimi ushqimor, mikpritja dhe edukimi lidhen ne nje eksperience te vetme.
Qasja e kompleksit bashkon qumeshtoren, prodhimin e djathit, restorantin, akomodimin dhe aktivitetet ne natyre ne nje destinacion qe flet per cilesi, origjine dhe qendrueshmeri.
Ne cdo pjese te tij, nga puna ne ferme te energjia e rinovueshme, ideja eshte te krijohet nje vend ku vizitori sheh nga afer si prodhimi, turizmi dhe natyra mund te funksionojne ne harmoni.
Eksperienca në fermë për te gjitha moshat
Një koncept agroturistik që ofron argëtim, edukim dhe aventura në natyrë për të gjitha moshat. Nga turet me tren në fermë dhe aktivitetet sportive, deri te fluturimet me balonë dhe shijimi i menusë "nga ferma në tryezë", ky projekt lidh njeriun me tokën në çdo hap.
PRODHIMI, GASTRONOMIA & FERMA
Ky projekt është një bërthamë moderne agroturizmi që lidh prodhimin e qumështit, artin e djathit dhe gastronomisë me jetën e fermës. Infrastruktura ndahet në dy hapësira: ndërtesa e mbarështimit dhe restoranti i integruar me punishten artizanale. Kafshët rriten në kushte natyrore, ndërsa proceset optimizohen përmes robotëve të mjeljes, ushqimit automatik dhe një sistemi ekologjik që shndërron mbetjet në biogaz. Për vizitorët, ferma ofron vizita udhëheqëse në prodhim dhe një menu të krijuar ekskluzivisht me produktet e veta. Eksperienca kompletohet në restorantin me pamje direkte nga fabrika e djathit dhe në tarracën panoramike që shikon drejt Malit të Lubotenit.
AKOMODIMI, EDUKIMI & PRODUKTET LOKALE
Ky kompleks bashkon qëndrimin, mësimin dhe traditën lokale në një hapësirë turistike dhe edukative. Qendra kryesore përfshin ndërtesën edukative me klasa dhe menzë në katin përdhes, hapësira për stafin në katin e parë, dhe akomodim në katin e dytë për fëmijët që ndjekin programet mbi natyrën dhe bujqësinë. Për vizitorët ofrohen gjashtë vila dhe shtëpiza në pemë të përshtatshme për verë e dimër, së bashku me zona private në natyrë. Tradita lokale promovohet përmes 15 shtëpizave për ekspozimin e artizanatit dhe shitjen direkte të produkteve bio dhe sezonale të fermës.
AKTIVITETE & RESTAURANT
Ky kompleks ofron eksperienca të larmishme për të gjitha moshat, duke lidhur natyrën me kuzhinën e traditës. Aventurat nisin me vizita në fermë përmes një treni turistik, ture në zonat e prodhimit dhe në serrat biologjike, duke u pasuruar më tej me aktivitete argëtuese si labirinti në fushën e misrit, muret për ngjitje dhe patinazhi artificial. Për adhuruesit e natyrës, projekti mundëson vizita në Parkun Kombëtar të Maleve të Sharrit dhe fluturime magjepsëse me balonë ajri mbi fermë dhe male. Në fund, rrugëtimi përmbylet me një përvojë të pasur gastronomike të bazuar tërësisht në konceptin "nga ferma në tryezë". Restoranti përdor produkte ekskluzivisht lokale dhe bio nga serrat e kompleksit, duke krijuar një lidhje të pastër dhe të shijshme mes tokës dhe pjatës.
ENERGJI E RINOVUESHME
Horizonti i Gjelbër është një model i plotë qëndrueshmërie ku bujqësia, turizmi dhe energjia e pastër funksionojnë si një sistem i vetëm. Ky projekt inovativ prodhon energji përmes paneleve diellore dhe turbinave, duke e ruajtur atë në bateri të avancuara për të garantuar pavarësi energjetike. Cikli ekologjik mbyllet me shndërrimin e mbetjeve të kafshëve në biogaz dhe kompostimin e mbetjeve organike të restoranteve, duke eliminuar ndotjen.
Pamje nga Horizonti Gjelber
Nga ferma dhe prodhimi te akomodimi, aktivitetet dhe peizazhi i Sharrit, kjo galeri sjell atmosferen e kompleksit ne nje forme te drejtperdrejte dhe autentike.
